Пайда кæнынц алыхуызон схемæтæй, арæх сæхи бацамонынц, куыд барадхъахъхъæнæг оргæнты кæнæ банкты кусджытæ
Цæстфæлдахджытæ æууæндаг адæмыл бакусынц милуангай сомтæ. Пайда кæнынц алыхуызон схемæтæй, арæх сæхи бацамонынц, куыд барадхъахъхъæнæг оргæнты кæнæ банкты кусджытæ. Ахæм цауты тыххæй бирæ информаци ис, цæуы профилактикон куыст дæр, фæлæ уæддæр адæм баууæндынц, æмæ сæ фæрæзтæ радтынц цæстфæлдахджытæн. Хи куыд бахъахъхъæнæн ис ахæм хъуыддæгтæй, уый тыххæй радзурдзæн Хъайтмазты Дзерассæ.
Æнæзонгæ номерæй Татьяна Омельченкомæ куы æрбадзырдтой, уæд æнхъæл дæр нæ уыд, цавæр цауты архайæг суыдзæн, уый. Æбæрæг адæймаг йæхи бацамыдта, куыд æдасдзинады федералон службæйы кусæг. Загъта, йæ хæдзармæ йын цы фæсидæн гæххæтт арвыстой, уымæ гæсгæ сылгоймаг нæ фæзынд, тæрсын æй кодта алыхуызон æфхæрæн мадзæлттæй.
Ахæм ныхас цыд дæргъвæтин рæстæг, мæнг-кусæг дзырдта алы номертæй. Æвдыста æвдисæндар. Татьяна куы бамбæрста цæстфæлдахæгимæ дзуры, уый, уæд телефон сæвæрдта æмæ бадзырдта пъæлицæмæ, уый фæстæ дарддæр ныхас кодта видеобастдзинады фæрцы. Æвзæр кæй уыны, уый тыххæй сылгоймаг нæ бамбæрста, кæимæ дзуры, ууыл маскæ конд кæй ис, уый.
Татьяна Омельченко: сказал мои действия – я должна была поменять паспорт, СНИЛС, ИНН, поменять все карточки, купить мобильный телефон. Я вам говорит, пришлю код на смс и продиктуйте. Спустилась вниз, у нас охрана шикарная, я им показала – молчите. Подошла к полицейскому, он говорит давайте телефон. Они очень «мило» побеседовали, пошла ругань, угрозы и т.д. я правда плохо вижу, полицейский мне сказал, что на нем маска резиновая, а я еще думала – что за физиономия…
Татьяна афоныл бамбæрста, чи йæм дзуры, уый. Уыимæ, республикæйы цæрджытæ арæхæй арæхдæр бахауынц дистанцион цæстфæлдахджыты уацары.
Афтæ, Горæтгæрон районы тæрхондон рахаста тæрхон уголовон хъуыддагмæ гæсгæ раздæр азымджын чи уыд, ахæм бынæттон цæрæгæн. Нæлгоймаг аххосджыныл нымад у 52 фыдракæнды эпизодмæ гæсгæ.
Мидхъуыддæгты министрады куыд загътой, афтæмæй арæхдæр республикæйы цæрджыты ныхмæ дистанцион фæлывдмитæ фæкæнынц Новосибирскы, Мæскуыйы, Свердловскы æмæ Ростовы æблæстты территорийæ.
Специалисттæ зæрдыл лæууын кæнынц, хъæуы æнæмæнг къæрцхъус уæвын, цæмæй цæстфæлдахджыты фæлывд митæ ма сæххæст уой, уый тыххæй.
