филиал вгтрк государственная телерадиовещательная компания “Алания”

Цæцæйнаг поэт Асламбек Тугузовы поэмæ «Шейх Мансур» ныр бакæсæн ис ирон æвзагыл дæр. Ратæлмац æй кодта Баситы Зæлинæ. Поэмæ дзуры легендарон æфсæддон разамонæг æмæ дины сыгъдæгдзинадыл архайæджы цардвæндагыл. Кавказы фыццаг имам стыр æвæрæн бахаста пысылмон дыны рæзтмæ. Зæгъын хъæуы уый, æмæ поэмæ ирон æвзагмæ ратæлмац кæнын æнцон хъуыддаг нæ уыди, зæгъы Баситы Зæлинæ. Сюжеты æвдыст цæуынц традицитæ æмæ рагон æгъдæуттæ, уымæ гæсгæ лыстæг хъуыддæгтæ тæлмацгæнæг бæлвырд кодта авторимæ. Чиныджы тираж у 500 экземпляры. Рауагъды презентаци, проект «Кавказы литературон иудзинады» фæлгæты ацыд Национ наукон библиотекæйы. Мадзалмæ хуынд æрцыди Цæцæны республикæйы делегаци дæр.