Цæгат Ирыстонмæ ссыдысты 60 ахуыргæнæнджы нæ бæстæйы 40 субъектæй. Æдæппæтæй та конкурсы кæронбæттæн къæпхæны архайы, йæ педагогон фæлтæрддзинад 5 азæй фылдæр кæмæн у, ахæм 200 ахуыргæнæджы.
Цæгат Ирыстонмæ ссыдысты 60 ахуыргæнæнджы нæ бæстæйы 40 субъектæй. Æдæппæтæй та конкурсы кæронбæттæн къæпхæны архайы, йæ педагогон фæлтæрддзинад 5 азæй фылдæр кæмæн у, ахæм 200 ахуыргæнæджы.
Финалы архайджытæ сæ дæсныйад æвдыстой Цæгат Ирыстоны скъолаты. Лæвæрдтой уроктæ, ныхас кодтой ахуыргæнджытимæ. Жюрийы уæнгтæ та сын аргъ кодтой 6 номинацитмæ гæсгæ. Алы номинацийы сбæрæг кодтой 3 хыздæр ахуыргæнæджы.
Абон сæ схорзæхджын кодтой кадджын уавæры. Республикæйы æмæ сывæллæтты сфæлдыстады галуаны коллективтæ сын бацæттæ кодтой концертон программæ. Раарфæ сын кодтой Цæгат Ирыстоны Парламенты депутаттæ, ахуыргæнæндæтты разамонджытæ. Уæлæмхасæн ахуырады куысджытæн арфæ ракодта республикæйы ахуырады æмæ наукæйы министр Огъуаты Алан.
Куыд бафиппайдта, афтæмæй конкурсы нысан у, æхсæнады ргом сывæллæтты хъомылады фарстатæм раздахын æмæ сæ рæсугъдæй æххæст кæнын. «Ацы конкурсы архайджытæ та йæ сæххæст кодтой иттæг хорз æмæ дзы иумæ дæр ницы аиппдзинад ссарæн ис, иууылдæр сты фæлтæрддджын, рæсугъд æмæ дæсны специалисттæ» – загъта Огъуаты Алан.
