Фыццаг къæпхæны сæ арæхстдзинад æвдисынц 10 командæйы, æмæ хъазынц къордгай системæмæ гæсгæ
Цалдæр мæйы чи цæудзæн, ахæм турнир райдыдта Дзæуджыхъæуы. Фыццаг къæпхæны сæ арæхстдзинад æвдисынц 10 командæйы, æмæ хъазынц къордгай системæмæ гæсгæ. Турниры уæлахиздзау архайдзæн чемпионты лигæйы. Уым ма сæ арæхстдзинад равдисдзысты регионалон ерысты уæлахиздзаутæ.
Дзæуджыхъæуы йæ куыст райдыдта футбол уарзджыты лигæ. Ахæм турнир фæцæуы Уæрæсейы бирæ регионты, стæй ма фæсарæнты дæр – Украинæйы, Францийы æмæ Шотландийы.
Уæвгæ лигæ байгом кæныны фæндаг рауад даргъ æмæ зын. Турнир фæстиатдæр кодта цалдæр хатты. Кæнæ-иу коллективтæ нæ фаг кодтой, кæнæ та фарстатæ æвзæрыдысты футболон фæзтимæ. Фыццаг фембæлды сæ арæхстдзинад равдыстой 10 командæйы. Уыдон хъаздзысты къордгай системæмæ гæсгæ.
Фыццаг туры уыди 5 хъазты. Дыууæ дзы фесты 1:0 хыгъдæй, иннæты та уыди бирæ голтæ. Турнир цæудзæн цалдæр мæйы. Уæлахиздзау архайдзæн чемпионты лигæйы. Уым ма сæ арæхстдзинад равдисдзысты регионалон уæлахиздзаутæ. Сæ ерыс хъуамæ рауайа цымыдисаг.
