Хæцæнгæрзты хуызтæ, Барон Штейнгелы рояль, пулемет Максим æмæ æндæр цымыдисаг экспонаттæ. Се ‘ппæт дæр фенæн ис Дзæуджыхъæуы историйы музейы. Абон байгом бындурон цалцæджы фæстæ.
Ног бæстыхай бирæ рæстæг уыд æдзæллаг уавæры. Уæвга та йыл цæуы 110 азы. Ныртæккæ йæм базылдысты æмæ сног кодтой экспозици дæр. Музей байгом кæныны хъуыддаджы архайдта республикæйы сæргълæууæг Мамсыраты Таймураз. Федта ног цалцæггонд залтæ æмæ экспонаттæ. Экскурсийы фæстæ республикæйы разамонæг радта кадджын хæрзиуджытæ. Хетæгкаты Къостайы номыл преми лæвæрд æрцыд рауагъдад «Ир» – ы Сæйраг редактор Кокайты Тотразæн æмæ нывгæнæг Абысалты Юрийæн. Сæрмагонд Паддзахадон хæрзиуæг лæвæрд æрцыд профессор Владимир Кузнецовæн. Йæ чиныг «Пепел Беслана стучит в наши сердца» – йы, æмæ литературæмæ стыр æвæрæн кæй бахаста, уый тыххæй.
