Æппæтуæрæсеон æвзæрстыты архайдтой нæ республикæйы цæрджыты 82.7 %
Центрон æвзарæн къамис хатдзæгтæ кæны хъæлæс кæныны сæйраг бонæн. Æппæтуæрæсеон æвзæрстыты архайдтой нæ республикæйы цæрджыты 82.7 %. Уый та у 425 мин адæймаджы. Уæвгæ та Цæгат Ирыстоны хъæлæс кæныны бар ис 515 мин адæймагмæ.
Уæрæсейы Конституцимæ ивддзинæдтæ бахæссынимæ сразы сты 82%, сæ ныхмæ та 16%-æй фылдæр. 1195 бюллетены раст конд не рцыдысты, æмæ сæ нæ банымадтой. 65 азæй фылдæр кæуыл цæуы, уыдон æвзæрстыты архайдтой активондæрæй. Центрон æвзарæн къамисмæ, хæдзары схъæлæс кæныны тыххæй, бацыд 130 мин курдиаты.
Фæлæ æвзарæн участоктæм чи рбацыд, уыдонæн дæр арæзт æрцыдысты æппæт æдасдзинады мадзæлттæ. Зæгъдзыстæм ма уый дæр, æмæ Центрон æвзарæн къамисмæ иу хъаст дæр нæ бацыд. Афтæмæй къамисы бафиппайдтой, ацы хатт æвзæрстытæ республикæйы алы районы дæр ацыдысты æмбæлгæ æмвæзадыл.
