филиал вгтрк государственная телерадиовещательная компания “Алания”

Ирондзинадыл зæрдæйæ чи ауды æмæ йæ чи парахат кæны, уыдонæй иу у газет «Рæстдзинад»–ы бæрнон редактор, Хетæгкаты Къостайы номыл паддзахадон премийы лауреат, фыссæг, этнограф Цгъойты Хазби. Йæ сисы бынæй цы æрмæджытæ рацæуы, уыдон æхсызгонæй фæкæсынц куыд хистæртæ, афтæ кæстæртæ дæр. Йæ чингуытæ «Цæвæг марæджы не ‘взæрста». «Æгъдау– царды мидис», «Дæ цæсгом– де ‘вдисæн», «Ирон æмбисонды хабæрттæ», «Фыдæлты мæсыг»… раджы ссардтой фæндаг чиныгкæсджыты зæрдæтæм. Бирæ азты дæргъы Хазби фембырд кодта нæ культурæимæ, этнографиимæ баст æрмæджытæ æмæ сæ сарæзта ахъаззаджы чиныг, ирон мифологи æмæ цардыуаджы дзырдуат «Арвы дуар», Абон дзы æхсызгонæй пайда кæнынц ахуыргæндтæ, студенттæ æмæ скъоладзаутæ. Интернеты фæрцы йæ кæсынц Турчы, Амерычы, Францы цæрæг ирæттæ дæр. Æрæджы дæр та Хазбийæн рацыд ног чиныг «Мæ зæгъинæгтæ». Бахаста йæм нæ историйы, культурæйы, дины, æгъдæутты тыххæй алы азты фыст мидисджын уацтæ. Уыдонæй уæлдай ма дзы бакæсæн ис нæ зындгонд адæймæгтæ: Темырханты Сосланы, Мысыкаты Мæхæмæты, Кочысаты Розæйы, Байаты Гаппойы, Таболты Солтанбеджы, Бутаты Фатимæйы, Æмбалты Цоцкойы тыххæй. Чиныджы тираж у 500 экземпляры.