Ныхас кодтой историйыл, куыд наукæйыл, афтæ, стæй йæ эволюцийы сæйраг къæпхæнтыл
Цæгат Ирыстоны паддзахадон университеты арæзт æрцыд скъоладзауты Æппæтуæрæсеон олимпиадæйы архайджыты фембæлд историктимæ æмæ эксперттимæ. Лектортæ уыдысты Мæскуыйы паддзахадон университеты историон факультеты президент Сергей Карпов, историон наукæты доктортæ Федор Гайда æмæ Татьяна Черникова. Ныхас кодтой историйыл, куыд наукæйыл, афтæ, стæй йæ эволюцийы сæйраг къæпхæнтыл. Фæсивæдæн фадат уыд сæ фæрстытæ раттынæн. Æрныхас кодтой актуалон темæтыл дæр, æмæ ма байхъуыстой педагогты ахсджиаг уынаффæтæм. Уæвгæ, Цæгат Ирыстонмæ Æппæтуæрæсеон олимпиадæйы кæронбæттæн къæпхæнмæ æрбацыдысты 350 скъоладзауæй фылдæр, æмæ ма сæ педагогтæ-разамонджытæ 150-йæ нæ бæстæйы алы регионтæй. Олимпиадæ кадджын уавæры фæуыдзæн стыр мадазлæй 10-æм апрелы.
