Уæ зæрдыл уын æй лæууын кæнæм, 15-æм январы, Владимир Путин Федералон æмбырдæн цы ныстуан фехъусын кодта, уым амынд уыди бæстæйы сæйраг документмæ ивддзинæдтæ бахæссныны фæндон
ЦИПУ-йы ацыдысты Уæрæсейы конституцимæ ивддзинæдтæ бахæссыны федералон закъоны проектмæ æхсæнадон байхъуыстытæ. Уæ зæрдыл уын æй лæууын кæнæм, 15-æм январы, Владимир Путин Федералон æмбырдæн цы ныстуан фехъусын кодта, уым амынд уыди бæстæйы сæйраг документмæ ивддзинæдтæ бахæссныны фæндон. Æмбырды архайдтой республикæйы æхсæнадон палатæйы, профилон министрадты, наукон æхсæнады, æхсæнадон иуондты, æнæкоммерцион организациты минæвæрттæ, стæй парламенты депутаттæ, эксперттæ, æмæ граждайнаг активисттæ. Ныр алы регион дæр архайы хъæппæристæ царды рауадзыныл. Ныридæгæн уал Конституцимæ ивддзинæдтæ бахæссныны фæдыл кусæг къордмæ бацыд 17 фæндоны. Æхсæнадон экспертизæйы бæрæггæнæнтæ бавдисдзысты УФ-йы æхсæнадон палатæмæ. Уый фæстæ сæ арвитдзысты Паддзахадон Думæмæ.
