Ирон æвзагыл фыст Алайнаг Дзуæрттæн куывды презентаци уыд Конференцийы сæйраг фарстатæй иу
ЦИПУ-йы фесты Сыгъдæг Георгийы номыл 14-æм æппæтадæмон епархиалон кæстытæ «Чырыстон дин. Этнос. Культура». Ирон æвзагыл фыст Алайнаг Дзуæрттæн куывды презентаци уыд Конференцийы сæйраг фарстатæй иу. Йæ автор у сылгоймæгты Алайнаг моладзандоны минæвар Бестауты Георгия. Уый текст ратæлмац кодта кодта аргъуаны славайнаг æвзагмæ. Уазджытæ бабæрæг кодтой Ирыстоны Дзуæртты бынæттæ, федтой бæрæгбоны концерт «Дины æмæ Уæлахизы рухс». Бæлвырддæр радзурдзæн Чехойты Фатимæ.
Куывд ирон æвзагыл, Аланийы æмæ сыхаг регионты истори, динты *хсæн ахастытæ. 14-æм æппæтадæмон епархиалон Сыгъдæг Георгийы номыл кæстытæ арæзт æрцыдысты ЮНЕСКО-йы залы. Республикæйы Сæргълæууæджы номæй сæ архайджытæн арфæйы ныхæстæ ракодта Цæгат Ирыстоны Хицауады сæрдары хæдивæг Платы Альбинæ.
Сыгъдæг Георгийы кæстытæ систы традицион зонадон фæз. Баиу кæнынц æхсæнадон архайджыты, наукон-иртасæн институтты кусджыты, сауджынты, специалистты Уæрæсейы алы регионтæй.
Азæй азмæ фылдæр кæнынц кæстыты архайджытæ. Вæййынц бæстæйы алы регионтæй. Стъараполы дины семинарийы ректор Павел Самойленко радзырдта патриарх Тихоны царды хабæрттæ дины ныхмæ рæстæджыты. Хицæнæй ныхас цыд Уырыссаг аргъуаны ног хъизæмаргæнджытыл.
Кæстыты архайджытæн радзырдтой Аланийы аргъуанты æмæ Сыгъдæг бынæттимæ зонгæ кæныны æмæ сæ рацарæзты тыххæй, стæй Цæгат Кавказы чырыстон дины ахсджиагдзинады æмæ йæ ахадындзинадыл национ культурæйы рæзтыл. Конференцийы æрмæджытæ рухс фендзысты, æрвылаз республикæйы истори æмæ археологийы Институт Сыгъдæг Георгийы номыл кæстыты хатдзæгтæ цы зонадон æмбырдгонды ныммыхуыр кæны, уым.
