Зефир, вафлитæ, печенитæ сты хæрзад, уыимæ сты цух, алыхуызон низтæ кæмæ ис, уыцы адæмæн зианхæссæг буаргъæдтæй
Æнæниздзинадæн ахадгæ хæринаг – буары фидардзинадæн хъæугæ фæрæз. ЦИПУ-йы студенттæ-технологтæ кусынц ныллæгкалорион адджинæгтæ рауадзыныл. Зефир, вафлитæ, печенитæ сты хæрзад, уыимæ сты цух, алыхуызон низтæ кæмæ ис, уыцы адæмæн зианхæссæг буаргъæдтæй. Бæлвырддæр радзурдзæн Чехойты Фатимæ.
Айчы урс, гагадыргътæ, лимоны туаг æмæ æрдзон сæкæривæн буаргъæдты змæст у стыр лæвар, ныллæгкалорион хæринæгтæ чи уарзы, уыцы адæмæн. Змæст хъæуы æрмæстдæр хорз сцæгъдын æмæ йæ уазалгæнæны бавæрын сæрмагонд рæстæгмæ. Æмæ дзы уæд рауайдзæн ахæм зефир. Ацы адджинаг конд у йе*нæниздзинадыл чи хъуыды кæны, уыцы адæмæн.
Дыргъты ссæстæй æмæ сæкæривæн æрдзон буаргъæдтæй рауайы ныллæгкалорион зефир. Цæмæй хъæддыхдæр уа, уый тыххæй ма йæм бафтауынц агар-агар. Ныллæгкалорион адджинæгтæ аразын ахъаз у æрмæст адæмы æнæниздзинадæн нæ. Ацы фæлтæрддзинад бахъæудзæн студентты сæ дарддæры ахуыры.
Ныллæгкалорион адджинæгтæ аразын у студентты-технологты æрвылкъуырион куыст. Иу хаттæй иннæмæ фылдæр саразынц æнæниздзинадæн ахадгæ адджинæгтæ. Æмæ ууыл æрлæууынмæ нæ хъавынц.
Ахæм адджинæгты рауагъд æхсызгон у, йе *æниздзинадыл чи хъуыды кæны, уыцы адæмæн. Хицæн кæнынц, дуканиты кæй уæй кæнынц, уыдонæй. Фæлхасгæнджытæ сæ, æнæмæнг, зæрдиагæй æлхæндзысты.
