филиал вгтрк государственная телерадиовещательная компания “Алания”

ЦИПУ-йы «Точка кипения»-йы арæзт æрцыди регионалон центр «Навигаторы детства»-йы ахуырадон интенсив. Бацæттæ йæ кодтой астæуккаг ахуыргæнæндæтты директорты уынаффæгæнджытæн. Дискуссион фæзы æрныхас кодтой ахуырады къабазы актуалондæр фарстатыл. Спикеры хуызы дзы раныхас кодта ахуырады кусджыты зонындзинæдтæ фылдæргæнæн республикон институты психологийы æмæ педагогикæйы кафедрæйы ахуыргæнæг Пухаты Ларисæ. Радзырдта хъомылады нырыккон практикæты, сывæллæттæн мадзæлттæ аразыны, æмæ къуылымпыдзинæдтæ лыг кæныны фарстаты тыххæй. Директорты æххуысгæнджытæ райстой, скъолаты арæхдæр цы лыггæнинаг фарстатыл сæмбылынц, уыдонæн дзуæппытæ.