23 марта 2018, 16:10
ЦИПУ-ы ректор Огъуаты Алан æмæ ВТБ-йы банчы бизнесы хайады разамонæг Дзгойты Зауырбегæн уыди, æмгуыстады бадзырд кæм бафыстой, ахæм кусæг фембæлд
Бадзырд æххæст кæншæйæ, банк æххуыс кæндзæн уæлдæр ахуыргæнæндоны ахуырадон проекттæн, стæй студенттæн фадат дæтдзæн банчы хайæдты практикæ цæуынæн.
ЦИПУ-ы ректор Огъуаты Алан æмæ ВТБ-йы банчы бизнесы хайады разамонæг Дзгойты Зауырбегæн уыди, æмгуыстады бадзырд кæм бафыстой, ахæм кусæг фембæлд.
Бадзырд æххæст кæншæйæ, банк æххуыс кæндзæн уæлдæр ахуыргæнæндоны ахуырадон проекттæн, стæй студенттæн фадат дæтдзæн банчы хайæдты практикæ цæуынæн. Дзгойты Зауырбег куыд загъта, афтæмæй фæнд кæнынц, республикæйы ахуыргæнæндæттимæ дыууæ фарсæн дæр пайда чи уыдзæн, ахæм бирæазон æмгуыстад кæнын. Афтæмæй цæттæ кæндзысты, профессионалон специалистты. Уымæй уæлдай фæнд кæнынц студенттæн теоретикон зонындзинæдтæ дæттын, стæй сын практикон æгъдауæй дæр цæстуынгæйæ æххуыс кæнын. Огъуаты Аланы хъуыдымæ гæсгæ, банк университетæн у методикон æгъдауæй æххуысгæнæг фæрæз. Дыууæ фарсы дæр бакусдзысты ахуыргæнджыты æмæ студентты финансон ахуырдзинады æмвæзад фæуæлдæр кæныныл. Университет æмæ банчы æмархайды фæрцы студенттæ ахуыр кæндзысты, ног технологон гæнæнтæ хынцгæйæ, æмæ цæттæ уыдзысты фидæны куысты ныллæууынмæ.
темæмæ гæсгæ
