филиал вгтрк государственная телерадиовещательная компания “Алания”

Сывæллæттæм кæсыны хъуыддаджы хæрзхъæддзинад бæрзонддæр кæнын, куыд Уæрæсейы демографион уавæр хуыздæр кæныны домæнтæй иу. Ацы темæимæ баст наукон-практикон конференци арæзт æрцыд Цæгат Ирыстоны паддзахадон университеты ЮНЕСКО-йы залы.

Архайдтой дзы федералон ведомствæты, хицауадон оргæнты минæвæрттæ, наукон æхсæнады хыгъдæй эксперттæ, ахуырадон организациты бындурæвæрджытæ, студенттæ. Видеобастдзинады хуызы ахсджиаг фарстаты фæдыл сæ хъуыдытæ загътой бæстæйы иннæ регионтæй специалисттæ дæр. Мадзалы куыд фæнысан кодтой, афтæмæй абон сæйрагдæр фарстатæй иу, у ахуырадон кусæнуатты æмархайд социалон службæтимæ æмæ æнæниздзинадхъахъхъæнынады оргæнтимæ. Уый баххуыс кæндзæн сывæллæттæм кæсыны лæггæдты райрæзты системæ фæхуыздæр кæнын.