Бакасти йæ Уæрæсейы наукæты академийы Дзæуджыхъæуккаг наукон центры наукон кусæг Сæлбиты Тамерлан
«Иран оседлый/Иран кочевой: царские регалии». Ахæм темæимæ лекци арæзт æрцыд Цæгат Ирыстоны паддазхадон университеты «Точке кипения»-йы центры. Бакасти йæ Уæрæсейы наукæты академийы Дзæуджыхъæуккаг наукон центры наукон кусæг Сæлбиты Тамерлан. Уый аныхас кодта адæмимæ, æмæ сын радзырдта скифты æмæ персайнæгты традициты тыххæй. Наукæйы сæ рагæй барынц кæрæдзиимæ. Уымæн æмæ дыууæ адæмы хсæн ис генетикон иудзинад. Кæд сæ историон хъысмæт æнцон нæ уыд, уæддæр нацитæн бантыст иумæйаг культурон иудзинад бахъахъхъæнын. Ууыл æрдзырдта йæ лекцийы автор. Зæгъын хъæуы уый, æмæ мадзал арæзт æрцыд, Хетæгкаты Къостайы номыл Цæгат Ирыстоны паддазхадон университеты историон факультеты æмæ æнæкоммерцион организаци «Кавказ-Восток»-ы иумæйаг проект. Йæ сæйраг нысан у Цæгат Ирыстоны æмæ Ираны хсæн æмбаладон æмæ культурон бастдзинæдты рæзтыл кусын.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)