Монографи баст у ирæтты æмæ дагестайнæгты ахастдзинæдты историимæ
Цыбырты Людвиджы чиныг «Алания-Ирыстон æмæ Дагестан»-ы презентаци арæзт æрцыд Абайты Васойы номыл Цæгат Ирыстоны гуманитарон æмæ социалон иртæстыты институты. Монографи баст у ирæтты æмæ дагестайнæгты ахастдзинæдты историимæ. Стыр æргом здæхт цæуы культурæмæ, наукæмæ, литературæмæ æмæ паддзахадон архайджытæм. Чиныджы тираж у 500 мин экземпляры. Рауагътой йæ Хуссар Ирыстоны президент Гаглойты Аланы æххуысæй. Презентацимæ хуынд æрцыдысты Парламенты сæрдар Тускъаты Таймураз, æхсæнадон архайджытæ, наукон æхсæнады минæвæрттæ æмæ дагестайнаг минæварады уæнгтæ Цæгат Ирыстоны. Æмбырды куыд фæбæрæг кодтой, афтæмæй ахæм чингуытæн ис стыр ахадындзинад нæ бæстæйы субъектты ахастдзинæдтæ фидардæр кæныны хъуыддаджы. Уæлдайдæр та Уæрæсейы адæмты иудзинады азы.
