Йæ 90 азы юбилейы агъоммæ Хуссар Ирыстоны 1-аг президентæн кад кодтой Ирон академион театры
Республикæйы Сæргълæууæджы Указмæ гæсгæ, Цыбырты Людвиг хорзæхджынгонд æрцыд «Ирыстоны Намысы» орденæй. Йæ 90 азы юбилейы агъоммæ Хуссар Ирыстоны 1-аг президентæн кад кодтой Ирон академион театры. Зындгонд политикон архайæгæн, историкæн æмæ публицистæн раарфæ кæнынмæ æрбацыдысты йе мкусджытæ, æмæ йын йе хсæнадон куыстæн аргъгæнджытæ. Цыбырты Людвиг Хуссар Ирыстоны сæргъы æрлæууыд тынг зын рæстæг. Бындуронæй архайдта фидар паддзахад саразыныл. Политикон карьерæйы фæстæ райдыдта наукон куыст кæнын, æмæ йын ацы къабазы бирæ бантыст. Бындуронæй иртæста Нарты эпос. Йæ хъæппæристæ схонæн ис, абарæн кæмæн нæй, ахæмтыл. Бакуыста ма этнографион энциклопеди саразыныл æмæ рауагъта нартиадæйы 3 томы.
