Арæзтадон куыстытæ дзы райдыдтой 2020-æм азы
Цыкола – Мæцутæ – Комы – Арты фæндаджы егъау цалцæг кæронмæ фæхæццæ кæны. Арæзтадон куыстытæ дзы райдыдтой 2020-æм азы. Трассæ уыди æвзæр уавæры, асфальты бæсты дзы уыди хуыр. Уый та зындзинæдтæ æвзæрын кодта шофыртæн æмæ туристтæн дæр. Ныр хъуыддаг ивы. Объекты рацарæзт æххæстгонд цæуы паддзахадон программæ «Туристон инфраструктурæйы рæзт»-мæ гæсгæ. Фæрæзтæ йын радих кодтой федералон æмæ республикон бюджеттæй. Куыстытæ фæуын нысан кæнынц ацы азы кæронмæ.
Ирыстоны кæддæриддæр уыд, æппæтæй фылдæр туристтæ кæдæм цæуынц, ахæм рæсугъд бынæттæ. Фæлæ цæмæй туристтæ фылдæр кæной, уый тыххæй сын аразынц æппæтвæрсыг фадæттæ. Тимур Самбиев Ирыстонмæ ссыд дыккаг хатт. Куыд зæгъы, афтæмæй фæндæгты цалцæджы фæстæ йын зынгæ фенцондæр æрдзы рæсугъд бынæттæм цæуын.
Фæндаг Цыкола – Мæцутæ – Комы-арты цалцæг кæронмæ фæхæццæ кæны. Куыстытæ цы фæндагыл бакæнын хъуыд, уый дæргъ у 21 километры. Ныры онг дзы сцалцæг кодтой 19 километры. Фæндаг æвзæр уавæры кæй уыд, уый тыххæй туристтæ дæр бирæ нæ уыдысты, фæлæ ныр æнцон фæндагыл цæугæйæ хæхбæсты фысымуæттæ сты дзаг. Цæмæй дзы баулæфай, уый тыххæй сæм хъæуы мæй раздæр ныффыссын.
Фæндæгтæ цалцæг кæнынц паддзахадон программæ «Туристон инфраструктурæйы рæзт»-мæ гæсгæ. Фæрæзтæ сты куыд федералон бюджетæй, афтæ республикон бюджетæй дæр. Кæронмæ хæццæ кæны, Мæцутæйы фыццаг километры цы хид ис, уый цалцæг дæр.
Куыстытæ райдыдтой 2020 азы. Кæд пъланмæ гæсгæ фарон нæ фесты, уæддæр ног фæндагыл ацæуыны фадат уыдзæн ацы аз 1 декабры фæстæ.
