Архайдтой дзы республикæйы районтæй командæтæ, стæй ма уазджытæ Цæцæны Республикæйæ æмæ Кæсæг-Балхъарæй
Цыколайы арæзт æрцыд, футболон клуб «Алани»-йы раздæры капитан Цæрикъаты Тарасы призтæ рамбулыны турнир. Архайдтой дзы республикæйы районтæй командæтæ, стæй ма уазджытæ Цæцæны Республикæйæ æмæ Кæсæг-Балхъарæй. Спортсментæ хъазыдысты къордгай системæмæ гæсгæ. Фыццаг бынат бацахста командæ «Ирæф», дыккаг – командæ «Æвзонгдзинад» , æртыккæгтæ та систы Цæцæны республикæйы футболисттæ. Турнир сси традицион. Ацы аз арæзт æрцыд 9-æм хатт. Хуыздæр командæтæн æмæ футболисттæн радтой кубоктæ, майдантæ æмæ зæрдылдарæн лæвæрттæ. Æрвылазон ерысты сæйраг нысан у – футболон секцитæм фылдæр сывæллæтты ргом здахын. Уæ зæрдыл уын æрлæууын кæндзыстæм, Цæрикъаты Тарас у футболон клуб «Алани»-йы экс-капитан. Спортсмен командæйы кад хъахъхъæнын райдыдта 2009-æм азы сентябры. Уæд хъазыдысты командæ «Луч-Энергия»-йы ныхмæ. Æдæппæтæй ирыстойнаг клубы номæй арвыста 109 матчы.
