Баст уыд Советон автономон социалистон республикæйы сгуыхт артист Тотойты Хъазыбеджы рухс номимæ
Цыколайы арæзт æрцыд хореографион фестиваль «Танцуй, Ираф». Баст уыд Советон автономон социалистон республикæйы сгуыхт артист Тотойты Хъазыбеджы рухс номимæ. Тотойты Афæхъойы фырт Хъазыбег уыд фæсивæды æмæ студентты Æппæтдунеон фестивалы лауреат. Разамынд лæвæрдта сфæлдыстадон коллективтæн. Се хсæн адæмон кафты ансамбль «Æрæф». Йæ дæсныйад фæндаг ссардта канд Советон Цæдисы нæ, фæлæ фæсарæйнаг бæстæты аивадуарзджыты зæрдæтæм дæр. Тотойты Хъазыбеджы курдиат хъыды кæнынц ныртæккæ дæр. Йæ номарæн 5-æм фестивалы, традицимæ гæсгæ, архайдтой Цæгат Ирыстоны æмæ сыхаг республикæты кафæн коллективтæ. Хъæздыг программæмæ хаст æрцыдысты 17 аивадн номыры. Фестивалы уазджытæн бацæттæ кодтой Кавказы адæмты кæфтытæ.
