Архайдтой дзы 7 командæйы
Цыколайы ацыд футболон клуб «Алани»-йы раздæры капитан, Цæрикъаты Тарасы хæрзиуджытæ рамбулыныл 6-æм республикон турнир. Архайдтой дзы 7 командæйы. Уыдонæй 6 уыдысты Цæгат Ирыстонæй, иу та – Нарткалайæ. Хъæзтытæ цыдысты Цыколайы стадионы. Футболон клуб «Алани»-йы раздæры хъазæг, Казахстаны «Актобе»-йы æрдæгхъахъхъæнæг, спорты разтыл кусæг Царикъаты Тарас йæхæдæг футболмæ сабийæ фемхиц. Уымæ гæсгæ йæ фæфæнды мадзалмæ фылдæр кæстæр кары футболистты æрбахонын. Турниры архайдтой футболон клуб «Алани»-йы командæйы футболисттæ дæр. Фыццаг бынат бацахста Цыколайы командæ, дыккаг – командæ «Барс», 3-гтæ систы «Юниоры» футболисттæ. Хуыздæр хъазæгыл нымад æрцыд «Ирæфы» футболист Цæрикъаты Марат, хуыздæр бомбардирыл та – Арман Зигоев. Уый дæр у «Ирæфы» командæйæ. Бакъуырдта 5 голы.
