Нырæй фæстæмæ пенсиисджытæн фадат уыдзæн сæхицæн ног æмбæлттæ ссарынæн, семæ зæрдæбын ныхас акæнынæн, стæй ма сæ рæстæг пайдаимæ рвитынæн дæр
Хистæр кары адæмæн ног уавæртæ. Цыколайы байгом кодтой социалон центр. Нырæй фæстæмæ пенсиисджытæн фадат уыдзæн сæхицæн ног æмбæлттæ ссарынæн, семæ зæрдæбын ныхас акæнынæн, стæй ма сæ рæстæг пайдаимæ рвитынæн дæр. Зæгъын хъæуы уый, æмæ ныридæгæн, Уæрæсейы Социалон фонды проект æххæст кæнгæйæ, байгом кодтой дыккаг ахæм центр. Уымæй дарддæр бынæттон администрацийы сæ зæрдæ дарынц, ацы центр фадат кæй ратдзæн хистæрты цард фæцымыдисагдæр кæнынæн. Ног фембæлдтытæй æмæ ахсджиаг лекцитæй дарддæр ма сæ бон уыдзæн алыхуызон курсытæ ацæуын дæр.
92-аздзыд Дедегкаты Хушины зарынмæ Цыколайы цæрджытæ хъусынц лæугæйæ. Ног бæстыхыхайы сæхи æнкъарынц, цымæ сæхи хæдзары сты, афтæ. Хистæр кары адæм кæрæдзиимæ кæм æмбæлой уыцы центр байгом Æрæфы районы клиенттæн лæггæдтæ дæдтыны Социалон фонды хайады.
Республикæйы ма ахæм центр кусы Арыдоны районы. Зæгъын æмбæлы æмæ ай кæй у сæрмагонд клуб, адæмы чи бæтты сæ цымыдисдзинадæй. Уæвгæ Социалон фонды проекты сæйраг нысан у хистæр кары адæмы цардыуаг фæхуыздæр кæнын, сæ удтæ сын хорз æнкъарæнтæй дзаг кæнын.
Центры ахадгæ куыстмæ æвæрæн хæсдзысты Æрæфы районы администраци, банкты хайæдтæ, бархионтæ, æхсæнадон организацитæ дæр. Фидæны ма фæнд кæнынц тематикон мадзæлттæ, ахуырадон курсытæ, цымыдисаг фембæлдтытæ аразын. Хистæр кары адæмæн ма ам сæ бон у сæ рæстæг æрвитын столыл хъазæн амæлттæй пайда кæнгæйæ.
Центры цы хъуыддæгтæ арæзт цæудзæн, уыдоны номхыгъд æмæ рæстæджы тыххæй базонын ис хайады. Социалон фонды кусджытæ сæ зæрдæ дарынц, алы пенсиисæг дæр дзы йæ удмæ хæстæг мадзал кæй ссардзæн, ууыл. Иу ныхасæй, кæй уыдзæн йæ нысаны аккаг.
