Студенттæ практикæйы хуызы хъуамæ равдисой, дыууæ азмæ центры цы базыдтой, уый
Цæгат Ирыстоны паддзахадон университеты æфсæддон центры 106 курсанты афæндараст кодтой ахуырадон æмбырдтæм. Студенттæ практикæйы хуызы хъуамæ равдисой, дыууæ азмæ центры цы базыдтой, уый. Уырдæм хаст цæуынц, æфсæддон техникæ æмæ хæцæнгæрзтæй архайын, спортивон цæттæдзинад сбæрæг кæнын. Тарскæйы полигоны фæуыдзысты 34 боны. Æфсæддонты кадджын уавæры афæндараст кодтой университеты кæртæй. Зæгъын ма хъæуы уый дæр, æмæ æмбырдтæм ацыдысты, канд æппæт фæлварæнтæ чи радта, уыцы студенттæ. Практикон ахуырты фæстæ æппæт лæппуты дæр хъæудзæн хатдзæгтæгæнæн аттестаци ацæуын. Ацы æфсæддон центр у иунæг æппæт Цæгат Кавказы. Ахуыр кæныны фадат дзы ис, боныгон дзы цы студенттæ ахуыр кæны, уыдонæн. Лæвæрд сын æрцæудзæн æфсæддон билет, æмæ сæ æфсадмæ цæуын нал хъæудзæн.
