Нывгæнæг у Цæгат Ирыстоны аивæдты училищæйы æмæ Репины номыл Ленинграды нывкæнынады, скульптурæйы æмæ архитектурæйы институты рауагъдон
Тугъанты Махарбеджы музейы залы байгом республикæйы сгуыхт нывгæнæг Хъаныхъуаты Алыксандры равдыст «Рассвет». Нывгæнæг у Цæгат Ирыстоны аивæдты училищæйы æмæ Репины номыл Ленинграды нывкæнынады, скульптурæйы æмæ архитектурæйы институты рауагъдон. Æрмдæсныйы сæрмагонд равдысты фенæн ис алы жанрты куыстытæ, натюрморттæ, пейзажтæ, портреттæ. Алыксандр кусы куыд скульптор æмæ график, архайы республикон конкурсты, иллюстрацитæ кæны чингуытæн. Экспозицийы иу хайы равæрдтой Алыксандры хъомылгæнинæгты куыстытæ. Ис æм сывæллæттимæ кусынæн æгæрон педагогон курдиат. Абон нывгæнæджы куыстытæ æвæрд сты уæрæсеаг музейты, бæстæйы æмæ фæсарæнты хи коллекциты. Не мзæххоны нывтæн стыр аргъ кæнынц Америкæйы Иугонд Штатты, Венгрийы, Грекъы, Польшæйы æмæ æндæр бæстæты аивадуарзджытæ.
