Бацæттæ сæ кодта сфæлдыстадон кусæг Мадина Саральп
Тугъанты Махарбеджы номыл аивадон музейы арæзт æрцыдысты дæсныйадæвдисæг ахуыртæ. Бацæттæ сæ кодта сфæлдыстадон кусæг Мадина Саральп. У цымыдисаг уæлæдарæс аразæг. Сæрмагонд экспозици бацæттæ кодта равдыст «В реке времени»-мæ. Мæдинæ радзырдта Цæгат Кавказы регионты традицион уæлæдарæс фæлтæрæй фæлтæрмæ куыд ивта, уый тыххæй. Историйæ – нырыккон дугмæ. Уый у экспозицийы сæйраг хъуыды. Национ уæлæдарæс саив кодта сызгъæрин æмæ æвзист нывæфтыдтæй. Фенæн дзы ис тынг рæсугъд риуылдаргæ аивгнæнæтæ, рæттæ, национ костюмтæ. Уæвгæ, нывгæнæг-модельеры æппæт куыстытæ дисы æфтауынц фыццаг бакастæй дæр. Дизайнеры ныхæстæм гæсгæ, æрмдæсныйад бауарзта йæ сабибонтæй фæстæмæ. Фæстæдæр уыцы уарзондзинад сси йæ дæсныйад. Мæдинæ аразы историон костюмтæ. Ахæмтæ дардтой кавказаг чызджытæ ивгъуыд æнусты. Ныр та сæ аразы 21-æм æнусы стилы. Зæгъдзыстæм ма уый дæр, æмæ йæ къухтæй хуыд национ стилы чындзы къабайы уыд Иорданийы принцессæ. Уый фæстæ йын йæ хуызистытæ ныммыхуыр кодтой модæты журналты, куыд хуыйджыты дæсныйады æппæтæй рæсугъддæр æмæ дæнцæгæн хæссинаг дæнцæг, афтæ. Абон дæр модельеры куыстытæ фенæн ис Санкт-Петербурджы Уæрæсейы этнографион музейы æмбырдгонды, стæй Скæсæйнаг бæстæты Паддзахадон музейы цæгаткавказаг филиалы. Ахсджиаг ма уый у, æмæ ацы фембæлдæй кæронмæ æрхæццæ кæсæг-балхъайраг мастерты куыстыты равдыст. Мæйы дæргъы цыди Дзæуджыхъæуы Тугъанты Махарбеджы номыл аивадон музейы.
