25 января 2023, 12:32
Тугъанты Махарбеджы номыл аивадон музейы байгом камерон равдыст «Рох нæмттæ»
Экспозици сарæзтой номдзыд советон хæдахуыр скульптор Дмитрий Цаплин æмæ нывгæнæг Малтызты Ольгæйы кадæн
Тугъанты Махарбеджы номыл аивадон музейы байгом камерон равдыст «Рох нæмттæ». Экспозици сарæзтой номдзыд советон хæдахуыр скульптор Дмитрий Цаплин æмæ нывгæнæг Малтызты Ольгæйы кадæн. Цаплины куыстытæ зыдтой фæсарæнты, фæлæ йын сæ хъыгагæн йæ райгуырæн бæстæйы нæ нымадтой. Малтызты Ольгæ йæ цард снысан кодта рагон национ амалиуджытæ бахъахъхъæныныны хъуыддагæн. Йæ хъысмæт рауад æнамонд. Сæ нæмттæ фесæфтысты историйы æмæ рохуаты баззадысты. Равдысты равæрдтой Дмитрий Цаплины цыппар скульптурæйы æмæ Малтызты Ольгæйы сконд иуæндæс керамикон дзаумайы.