27 декабря 2023, 10:56
Тугъанты Махарбеджы номыл аивадон музейы байгом сывæллæтты сфæлдыстады равдыст
Экспозицийы фенæн ис Тауаситы Сосланбеджы номыл сывæллæтты аивадон скъолайы хъомылгæнинæгты куыстытæ
Тугъанты Махарбеджы номыл аивадон музейы байгом сывæллæтты сфæлдыстады равдыст. Экспозицийы фенæн ис Тауаситы Сосланбеджы номыл сывæллæтты аивадон скъолайы хъомылгæнинæгты куыстытæ. Уыдон та – нывтæ, заз бæлæсты хъазæнтæ, куклатæ æмæ афтæ дарддæр. Дзæуджыхъæуы сывæллæтты аивадон скъола у, фæсивæдæн сфæлдыстад чи уарзын кæны, ахæм бæстыхай. Æмæ хауы Уæрæсейы зæронддæр бæстыхæйтты хыгъдмæ. Скъолайы равзæрдæй нырмæ дзы рацыд бирæ зындгонд нывгæнджытæ. Бафиппайын хъæуы уый, æмæ дзы 50 азы ахуыргæнджытæ æххæст кæнынц хорз традици: алы аз дæр саразынц сæ хъомылгæнджыты куыстыты равдыст «Нæ Ног азы хъазæн», зæгъгæ.
