08 февраля 2023, 11:14
Тугъанты Махарбеджы номыл аивадон музейы байгом зындгонд нывгæнджыты-педагогты равдыст
Экспозицимæ бахастой Хетæгкаты Къостайы, Илья Репины, Николай Крымовы æмæ Тугъанты Махарбеджы нывтæ
Тугъанты Махарбеджы номыл аивадон музейы байгом зындгонд нывгæнджыты-педагогты равдыст «Педагогтæ, ахуыргæнджытæ, разамонджытæ». Экспозицимæ бахастой Хетæгкаты Къостайы, Илья Репины, Николай Крымовы æмæ Тугъанты Махарбеджы нывтæ. 2023-æм аз нысангонд æрцыд педагогы æмæ разамонæджы афæдзæй. Уыцы цаумæ музейы кусджытæ бацæттæ кодтой равдыст хи уацмысты коллекцийæ. Экспозици ирдæй æвдисы нывкæнынады аивады рæзты истори. Райдай нывкæнынады Академийæ æмæ ныры онг. Дæнцæгæн æрхастой зындгонд нывгæнджыты-педагогты куыстытæ. Равдыст кусдзæн æнæхъæн мæй. Февралы кæрон ма йæ баххæст кæндзысты графикæйæ.
