филиал вгтрк государственная телерадиовещательная компания “Алания”

Тугъанты Махарбеджы номыл аивадон музейы цæуы дизайнер æмæ декоратор Зара Дудары куыстыты равдыст «Вибрации души». Экспозицийы ис 11 арт-объекты. Алкæцыдæр сæ у уды бæлвырд вибраци, æнкъарæн. Сфæлдыстадон техникæты фæрцы автор равдыста алыхуызон æнкъарæнтæ – гуырысхо, эйфория, маст, фыдæнхъæлц, амонд… Зарема Дударова райгуырд Налцыччы зындгонд кæсгон драматург æмæ фыссæг Хаути Дударовы бинонты. Йæ сабибонтæй фæстæмæ йын цымыдисаг уыд быйын. Рæстæгимæ йæ арæхстдзинад  кодта бæрзонддæр, фæзынд æм цымыдисдзинад хæрзаив уæлæдарæсмæ æмæ аксессуартæм. Сфæлдыстады уарзондæр хуыз та йын сси къухæй конд трикотаж æмæ аивадон быд.