Уазджытæн æгасцуай загъта Дзанайты Ольгæйы хор
«Наше наследие». Дзæуджыхъæуы Тугъанты Махарбеджы номыл аивæдты музейы байгом сæрмагонд равдыст, нывгæнæджы райгуырды 140 азы кадæн. Уазджытæн æгасцуай загъта Дзанайты Ольгæйы хор. Азарыд хъæбатырты зарджытæ. Тугъанты Махарбеджы банымайæн ис Ирыстоны профессионалон аивады бындурæвæрæгæй. Репины ахуыргæнинаг йе сфæлдыстад раргом кодта æмæ дзы спайда кæнгæйæ, нывкæнынады скъола байгом кодта йæ райгуырæн республикæйы. Экспозицийы ма, нывгæнæджы зындгонд нарты кадджытимæ баст куыстытæй уæлдай фенæн ис, Тугъаны-фырты композицитæй мыхуыргонд чи нæма æрцыд, ахæмтæ. Уыдон сты театралон декорацитæ æмæ Хуссар Ирыстоны театртæм спектакльты костюмты эскизтæ. Тугъанты Махарбег йе сфæлдыстады вдисы ирон адæмы сфæлдыстад æмæ традицитæ. Нывгæнæджы, адæмæн æнæзонгæ чи нæу, йæ уыцы куыст «Нарты куывд» та сси «Нарты кадджыты» фыццаг рауагъды иллюстраци. Уæвгæ, чиныджы алы том дæр аивгонд æрцæуы Тугъанты Махарбеджы æнæбафæзмгæ нывтæй.
