14 марта 2018, 18:10
Тугъанты Махарбеджы номыл музейы байгом Уæрæсейы æмæ Цæгат Ирыстоны сгуыхт нывгæнæг, нывгæнджыты цæдисы уæнг Бæйцаты Людмилæйы куыстыты равдыст
Схуыдта йæ «В потоке времени».
Тугъанты Махарбеджы номыл музейы байгом Уæрæсейы æмæ Цæгат Ирыстоны сгуыхт нывгæнæг, нывгæнджыты цæдисы уæнг Бæйцаты Людмилæйы куыстыты равдыст.
Схуыдта йæ «В потоке времени». Дыууæ уæладзыджы залты кæй равæрдтой, уыцы экспозицимæ бахастой 110 куысты. Конд сты алы техникæты. Аивадон текстиль( гобелентæ, хъуымацыл нывæфтыдтæ, тæвд эмаль æмæ нывкæнынад. Иу ныхасæй – æрмдæсны 40 азмæ цæуыл куыста, уыдон. Бæйцаты Людмилæ ма у алыхуызон цымыдисаг проектты автор, æмæ æппæтадæмон конкурсты лауреат. Йæ куыстытæ архайдтой канд нæ республикæйы нæ, фæлæ ма фæсарæнты дæр. Ацы равдыстмæ зæрдиагæй æрбацыдысты йе сфæлдыстадæн аргъгæнджытæ, аивадуарзджытæ, йе мкусджытæ æмæ æхсæнадон архайджытæ. Людмилæ йæхæдæг куыд зæгъы, афтæмæй нывгæнæг йæ фæлтæрддзинадыл æфтауыныл хъуыддаджы хъуамæ æппынæдзухдæр куса. Нырыккон аивадмæ та хæсса ивгъуыдæй философон ахорæнтæ.
темæмæ гæсгæ
