Мастеры куыстытæ ныртæккæ сты Уæрæсейы æмæ Белоруссийы дыууын музейæ фылдæры
Абон та Тугъанты Махарбеджы номыл музейы байгом уыдзæн пятигорскаг нывгæнæг Александр Рубецы куыстыты равдыст «От натуры – к образу». Александр Рубец у Уæрæсейы аивæдты академийы кадджын уæнг, Уæрæсейы Хуссар хайы нывгæнджыты сфæлдыстадон цæдисы вице-президент. Мастеры куыстытæ ныртæккæ сты Уæрæсейы æмæ Белоруссийы дыууын музейæ фылдæры. Нывгæнæджы уарзондæр жанр у – пейзаж. Йæ уацмысты ирд æмæ рæсугъдæй æвдисы Кавказы цард æмæ æрдз. Аивадуарзджыты размæ рахаста 20 куысты онг. Уыдоны сты Кисловодскы, Приэльбрусьейы, Цæгат Ирыстоны, Кæсæг-Балхъары æмæ æндæр регионты зæрдылдарæн бынæттæ. Автор куыд зæгъы, афтæмæй экспозицийы сæргонд хуымæтæджы нæ равзæрста. Æрдзы нывтæ уарзы æгæрон уарзтæй. Уымæй дарддæр ын хорз æнтысынц натюрморттæ, портреттæ æмæ сюжетон композицитæ.
