Республикæйы сæргълæууæг куыд фæнысан кодта, афтæмæй сæйраг æргом здæхт цæуы нырыккон информацион технологитæм
Туристон инфраструктурæйы райрæзт Сергей Меняйло схуыдта 2023-æм азы фыццаградон нысантæй иу. Республикæйы сæргълæууæг куыд фæнысан кодта, афтæмæй сæйраг æргом здæхт цæуы нырыккон информацион технологитæм. Ныртæккæ куыст цæуы бирæвæрсыг фæрæзтыл, фылдæр сæ пайда кæндзысты куыд информацион навигатортæй. Амынд дзы уыдзæнис экстремалон уавæрты хи куыд дарын хъæуы, документтæ раст куыд баххæст кæнын хъæуы, стæй бирæ æндæр ахсджиаг хъуыддæгтæ. Республикæйы уазджытæн дзы фадат уыдзæни æппæт хъæугæ информаци базонынæн. Сергей Меняйло йæ телеграмм-каналы хъусын кæны – цитатæ: «Ацы аз нысан кæнæм нæ размæ вæрд хæстæ цыбыр æмгъуыдмæ саразын. Æнæрлæугæйæ куыст цæуы, равдыстмæ кæй цæттæ кæнынц, уыцы объекттыл, аходæны бынæттыл, сувениртæ уæйгæнæнтыл æмæ фæндаггон сервисы æндæр ахсджиаг объекттыл. Проекттæ сæххæст кæнынæн федералон бюджетæй дихгонд æрцыди 100 милуан сомы. Уæлæмхасæн та ма 30 милуаны. Фæрæзтæ активонæй хардзгонд цæуынц амынд хъуыддæгтыл, фылдæр туристон инфраструктурæйы рæзтыл», – загъта Сергей Меняйло.
