Æрдзмæ уарзондзинад гуырын кæнын чысылæй фæстæмæ. Ахæм куыст кæнынц туризмы æмæ экскурситы сывæллæтты республикон центры. Ардæм æрвылбон æрбацæуынц Дзæуджыхъæуы æмæ районты скъолаты ахуырдзаутæ. Базонынц бирæ ногдзинæдтæ. Сæйраг та у, цымыдисæй кæй архайынц, уый.
Æрдзмæ уарзондзинад гуырын кæнын чысылæй
фæстæмæ. Ахæм куыст кæнынц туризмы æмæ экскурситы сывæллæтты
республикон центры. Ардæм æрвылбон æрбацæуынц
Дзæуджыхъæуы æмæ районты скъолаты ахуырдзаутæ. Базонынц бирæ
ногдзинæдтæ. Сæйраг та у, цымыдисæй кæй архайынц, уый.
Æнæ фыдбылызæй хохмæ ссæуын æмæ фæстæмæ
æрхизын, фæндаг ссарын, фыццаг медицинон æххуыс бакæнын æмæ æндæр
хъуыддæгтæ сывæллæттæн амыдтой, туризмы рагæй чи архайы, ахæм
фæлтæрдджын ахуыргæнджытæ. Куыд зæгъынц, афтæмæй нæ республикæйы
туризмæн ис стыр фидæн æмæ йын бындур ныртæккæ хъæуы сæвæрын. Рæзгæ
фæлтæр та сты ацы хъуыддаг кæмæй аразгæ у, уыдон.
Абайты Марат, туризмы æмæ экскурситы
сывæллæтты республикон центры директоры хæдивæг: «Нæ республикæйы
туристон центр алы мæй дæр ахæм фембæлдтæ кæны. Туризмы соревнованиты
æмæ туристон балцыты хи дарын куыд хъæуы, цæмæй сыл фыдбылыз ма рцæуа.
Æмæ сæ ахуыр кæнæм бæттæнтæй, алыхуызон æрдзон уавæрты куыд дæхи дарай,
уый. Цæмæй доны сæрты æдасæй хизой, цæмæй хæхты куы вæййынц, уæддæр
цæмæй æнæфыдбылызæй сæ хæдзæрттыл сæмбæлой».
Ахуырты архайдта 10 командæйы. Уыдонимæ
Хуымæллæджы астæуккаг скъолайы командæ дæр. Ацы аз лæппутæ æмæ чызджытæ
Белоруссийы горæт Брянскы систы туризмы архайджыты ерысы уæлахиздзаутæ.
Ныр дæр равдыстой хорз зонындзинæдтæ.
Габойты Вадим, Хуымæллæджы скъолайы
командæйы уæнг: «Хъуамæ райсай демæ сæрмагонд снаряжени, цæмæй уæлæмæ
куы хизай, уæд ма ахауай, бынмæ куы хизай, уæд та дæ исты ацахса.æмæ ды
мацы æрцæуа. Медицинæ ахуыр кодтам, стæй ахуыр кодтам, трассæтæ куыд
фæхъæуы цæуын, уый. Растдæр куыд хъæуы бакæнын, уый, цæмæй мацы кæнай,
хуыздæрæй ацæуай».
Ахæм ахуыртæ арæзт æрцыдысты фыццаг
хатт. Амæй фæстæмæ сывæллæттæ зонындзинæдтæ исдзысты 6 мæйы. Сæрды та
арæзт æрцæудзысты туризмæй республикон ерыстæ.
Гугкаты Иринæ
