Фыццаджыдæр федта Дзæуджыхъæуы арæзтадон фæзтæ.
Тускъаты Таймураз инспекцион балц скодта социалон объекттыл. Фыццаджыдæр федта Дзæуджыхъæуы арæзтадон фæзтæ.
Павленкойы уынджы сывæллæтты рæвдауæндоны аразынц уæлæмхасæн бæстыхай. Фылдæр бынæттæ фæзындзысты Барбашовы уынджы 107-æм рæвдауæндоны дæр. Ноджыдæр ма иу ахсджиаг социалон объект – 18-æм микрорайоны иумæйаг ахуырадон скъола. Объект арæзт уыдзæн 500 бынатæн. Тускъаты Таймураз се ппæты зæрдыл æрлæууын кодта, арæзтады æмгъуыд ма фехалын, фæлæ куыстыты хæрзхъæддзинадмæ дæр бæстон кæсын. 12-æм микрорайоны кæронмæ фæхæццæ кæны скъолайы арæзтад. Сентябры ног партæты уæлхъус æрбадздзысты 500 скъоладзауы. Премьер ма бабæрæг кодта республикæйы клиникон рынчындоны гинекологон æмæ гастроэнтерологон корпустæ. Сывæллæтты рынчындоны территорийы та федта ног поликлиникæйы арæзтад æмæ соматикон корпусмæ уæлæмхасæн арæзтæдтæ. Абон ма Тускъаты Таймураз бабæрæг кодта Кировы, Рахизфарсы æмæ Мæздæджы районтæ.
