Дарддæр арæзт цæуынц хъæуты культурæйы хæдзæрттæ, скъолатæ, æмæ аивады колледжтæ.
Тускъаты Таймуразы разамындæй ма ныхас цыд, национ проект «Культурæ» царды куыд æххæстгонд цæуы, ууыл.
Дарддæр арæзт цæуынц хъæуты культурæйы хæдзæрттæ, скъолатæ, æмæ аивады колледжтæ. 27 кусæнуатæн æлхæнынц кусæнгæрзтæ. Дигорайы аразынц культурæйы райрæзты центр. Хихъæппæрисадон къордты материалон æххуысæн æмæ æрыгон курдиатты агурынæн арæзт у проект «Сфæлдыстадон адæм». Æмбырды архайджыты хъуыдымæ гæсгæ, цæмæй сывæллоны курдиат райхæла, уымæн хъæуы хорз специалист. Уый тыххæй та культурæйы къабазы хъæуы аразын мадзæлттæ. Ныхас ма цыд проект «Нымæцон культурæ»-йыл дæр. Æрæджы национ наукон библиотекæйы кусджытæ æрæмбырд кодтой ирон æвзагыл фыст классикæ, стæй уырыссаг æвзагмæ тæлмацгонд поэзи рахастой нымæцон хуызмæ. Хицауады сæрдар раарфæ кодта æмбырды архайджытæн, ахæм фарстамæ бæрнон цæстæй кæй ракастысты, уый тыххæй.
