Сæ программæйы ис зындгонд литературон уацмыстæ – 4 спектаклы
Тверы театр стыр гастрольтимæ ссыди Дзæуджыхъæумæ. Сæ программæйы ис зындгонд литературон уацмыстæ – 4 спектаклы. 15 артисты къуыри ирыстойнаг театрдзауты зонгæ кæндзысты сæ курдиат æмæ дунеон уацмыстæм сæ цæстæнгасимæ. Уырыссаг академион театры равдыстой Агата Кристийы детектив «Свидетель обвинения». Уæвгæ, сфæлдыстадон труппæйæ бирæтæн Дзæуджыхъæумæ балц фыццаг хатт нæу. «Стыр гастрольты» фæлгæты театртæн афæдз иу хатт гастрольтæ вæййы иннæ регионтæм дæр. Къуырисæры уырыссаг театры артисттæ сыздæхтысты Тверæй. Бантыст сын аивадуарзджыты зæрдæтæм фæндаг ссарын, æмæ ирд фæд ныууадзын. Фидæны нысан кæнынц Комийы республикæйы театримæ дæр дыууæрдæм гастрольтæ саразын. Гастрольтæ фæуыдзысты 26-æм сентябры. 1-æм октябры та райдайдзæн ног театралон сезон. Байгом æй кæндзысты Лермонтæвы «Маскарад»-æй. Тверы театры «Стыр гастрольтæ» та арæзт æрцыдысты Уæрæсейы культурæйы министрады концертон пъланы фæлгæты.
