Архайдтой дзы ирон эстрадæйы зарæггæнджытæ æмæ сфæлдыстадон къордтæ. Концертмæ æрбацыд бирæ адæм. Цы æхцатæ дзы æрæмбырд и, уыдон схардз кæндзысты фæкæсынхъуаг инвалидтыл.
Царахаты-Фидараты Иринæ: «Мæнмæ гæсгæ уый тынг хорз хъуыддаг у. Мæнæн мæ гыццыл æфсымæрæн дæр Германийы ныртæккæ операци кæнынц. Тынг бирæ хорз ныхæстæ дзырдтам, мах тыххæй цы хæрзаудæн концерт арæзт æрцыд, уырдæм чи æрбацыд, уыцы адæмæн. Уый тыххæй стыр бузныг стæм æнæхъæн мыггагæй дæр».
Фадзайты Фатимæ, Хæххон паддзахадон аграрон университеты культурæйы галуаны директор: «Фылдæр нæм куыд уа хъæлдзæгдзинæдтæ, кæрæдзийы куыд æмбарæм, афтæ мæ фæнды. Мæн ма фæнды нæ ректоры тыххæй зæгъын. Уый куы фехъуыста, ахæм хорз хъуыддаг кæнынмæ кæй хъавынц, уæд загъта, баххуыс кæнын сын хъæуы, æмæ йын стыр бузныг».
