филиал вгтрк государственная телерадиовещательная компания “Алания”

Уæхи хъахъхъæнут цæстфæлдахджытæй.
Пенсион фондæй куыд хъусын кæнынц, афтæмæй фæстаг рæстæг сбирæ сты
мадæлон капитал райсыны æнæзакъон мадзæлттæ. Республикæйы ныридæгæн 50
мин бинонтæ райстой сертификаттæ. Уыдонæн се мбис спайда кодтой мадæлон
капиталы гæнæнтæй. Сæ фылдæр сæ бахардз кодтой сæ цæрæнуæттæ фæхуыздæр
кæныныл. Уыцы рæстæг та горæты уынгты фæзынди, капитал тагъд æмæ
æнæкъуылымпыйæ райсыны тыххæй хъусынгæнинæгтæ. Уыимæ, æхцайы иу хай
гонорары хуызы хъуамæ радтай лæггæдты тыххæй. Дарддæр автортæ раттынц
мобилон телефоны номыр. Специалисттæ зæгъынц, мадæлон капитал къухмæ
æхцайæ райсæн нæй. Закъонмæ гæсгæ, фæрæзтæ схардз кæнæн ис, æрмæстдæр
цæрæнуат фæхуыздæр кæныныл, сывæллæтты ахуырадыл, ныййарæгæн æмбырд чи
кæны, уыцы пенсийы хай скæныныл, инвалид сывæллæтты социалон уавæртæ
хуыздæр кæныныл. Æппæт хъæугæ информаци райсæн ис Уæрæсейы Пенсион Фонды
регионалон управлениты, кæнæ та республикон хайады комкоммæ телефонмæ
бадзургæйæ