филиал вгтрк государственная телерадиовещательная компания “Алания”

Хъæбатыр æфсæддонты номыл районы Стыр ныхасы хъæппæрисæй арæзт æрцыд мини-футболæй турнир. Æрбахуыдтой йæм нæ республикæйы æппæт районты минæвæртты. Аст командæйæ алкæцыдæр равдыста хорз цæттæдзинад. Æвзонг спортсментæ, сæ тренертæ, бынæттон разамынд æмæ æхсæнадон архайджытæ раарфæ кодтой Фыдыбæстæйы Стыр хæсты архайджытæн, стæй сын байхъуыстой сæ мысинæгтæм. Кæстæртæн сæ зæрдæ загъта, сабыр дунейы куыд цæрой, нæ бæстæ куыд уарзой, кæрæдзийæн аргъ куыд кæной. Æвзонг футболисттæ та сын бацархайдтой рæсугъд хъазт равдисыныл. Афтæмæй турниры фыццаг æртæ бынаты бацахстой Рахизфарсы, Кировы æмæ Мæзæджы районты командæтæ.