филиал вгтрк государственная телерадиовещательная компания “Алания”

Фæстаг азты ам лæгдзинады уроктæ фæаразынц районы скъоладзаутæн. Куыстуæттæ æмæ организацитæ, æхсæнадон архайджытæ, ветеранты хæстæджытæ хистæртæн кад кæнгæйæ, се вæрæн хæссынц сæ районы æвзонг цæрджыты патриотон хъомыладмæ, æмæ сын аразынц хæрзаудæн акцитæ. Ацы аз та ветеранты Советы бæстыхайæн баивтой йæ рудзгуытæ, æмæ йæ саив кодтой. Сæйрагдæр та фæхъæздыгдæр кодтой хæстон намысы уат. Ног стенды фæзынд 1942-æм азы газет «Комсомольская правда»-йы къопи. Уым мыхуыргонд æрцыд Дзотты Лазæры фыстæг. Фыдыбæстæйы Стыр хæсты рæстæг Воронежы бынмæ тохы лейтенант йæ риуæй сæхгæдта, знаг кæцæй æхста, уый. Йæ амæлæты размæ тугæй ныффыста адæммæ ныстуан. Æмæ йæ фæстæдæр ныммыхуыр кодтой газеты. Дзотты Лазæрæн Хъæбатыры ном нæ радтой, æмæ ныр йæ хæстæджытæ архайынц уыцы рæдыд сраст кæныныл.