07 мая 2014, 10:57
Уæлахизы Парады фæстаг репетици арæзт æрцыд абон райсомæй Дзæуджыхъæуы
58-æм æфсады хайæдты цæттæгæнæн мадзæлттæ цыдысты горæты сæйраг уынгты. Уый тыххæй машинæтæн ацæуæн нæ уыд, Карцайы фæндагæй Сæрибары фæзмæ цы фæндæгтæ цæуынц, уыдоныл.
58-æм æфсады хайæдты цæттæгæнæн мадзæлттæ цыдысты горæты сæйраг уынгты. Уый тыххæй машинæтæн ацæуæн нæ уыд, Карцайы фæндагæй Сæрибары фæзмæ цы фæндæгтæ цæуынц, уыдоныл. Уæлахизы боны 69-æм Парады Генералон репетицимæ йæ цæст дардта 58-æм æфсады командæгæнæг Андрей Гурулев. Куыд загъта, афтæмæй рæдыдæн бар никæмæн ис. Хъуамæ се ппæт дæр рæгътæй цæуой раст. 9-æм майы нæ республикæйы сæйраг фæзы ацæудзысты иу мин æмæ фондз сæдæ адæймагæй фылдæр: 58-æм æфсады службæгæнджытæ, мидхъуыддæгты министрады кусджытæ, Дзæуджыхъæуы кадетты корпусы ахуырдзаутæ. Парады уыдзæн æфсæддон техникæйы 50 иуæджы. Фæлæ сæйрагдæр архайджытæ, кæй зæгъын æй хъæуы, уыдзысты Фыдыбæстæйы Стыр хæсты ветерантæ. Уæвгæ парады репетицитæ цыдысты дыууæ мæйы дæргъы. Абон та кæд уаргæ кодта, уæддæр сахат æмæ рдæг цыдысты фæстаг цæттæгæнæн мадзæлттæ. Цæмæй иннæбон адæм феной рæсугъд бæрæгбон.
темæмæ гæсгæ
