Нæ республикæйы ахуыргæндтæн раарфæ кæнынмæ æрбацыдысты ахуырады æмæ наукæйы министр Огъуаты Алан, Парламенты сæрдары фыццаг хæдивæг Къесаты Станислав æмæ
Хъайтыхъты Тамарæ, Дзæуджыхъæуы администрацийы æхсæнадимæ бастдзинады информацион хайады разамонæджы хæдивæг: «Нæ ахуыргæндтæ сæхицæн ном скодтой æгас дунейы. Сæ кой айхъуыст, цы æрхъуыды кодтой, уыдонæй та пайда кæнынц алы бæстæты. Æмæ мæ фæнды цæмæй æрыгæттæ дæр, уыдонмæ кæсгæйæ, фæзмой сæ æмæ ноджы дарддæр куыд цæуой зонадон куысты, ахæм арфæ сæ уæд».
Уæрæсейы наукон кусджытæ фæзындысты 230 азы размæ. Бæстæйы разамынды уынаффæмæ гæсгæ, уæд байгом Наукæты Академи дæр. Уæдæй нырмæ наукæ цæуы рæзты фæндагыл æмæ ивддзинæдтæ хæссы наукон-техникон прогрессмæ, стæй адæмы цардмæ.
Сæ фæллойы хай йæм хæссынц Уæрæсейы Хуссар хайы ахуыргæндтæ дæр. Уæрæсейы Наукæты Академийы цæгатирыстойнаг хайады разамонæг Къусраты Анатолийы ныхæстæм гæсгæ, æрмæст фарон æртæйæ систы медицинон наукæты доктортæ, иу та – физикон – математикон наукæты доктор.
Иу адæмаг бахъахъхъæдта медицинон наукæты кандидаты ном, фондзæй та систы физикон – математикон наукæты кандидаттæ. Уæлдай æхсызгондæр у. Се ппæт дæр æрыгон ахуыргæндтæ кæй сты, уый.
Æмбырды ма Уæрæсейы Науæкæты Академийы Цæгат Ирыстоны хайады президиумы номæй æрыгон ахуыргæндтæн радтой кады гæххæттытæ æмæ арфæйы фыстæджытæ…
Се ппæт дæр куыд бафиппайдтой, афтæмæй фæстаг азты алыхуызон къабæзты иртасæн куыст чи кæны, ахæм æрыгон адæм кæнынц фылдæр. Æмæ зæрдæ дарæн ис, сæ фæрцы наукæ размæ зынгæ къахдзæф кæй акæндзæн, ууыл.
Цыбырты Людвиг, профессор, филологон наукæты доктор: «Хицауад тыхджын бамбæрзта наукæ иу ран хъуамæ ма лæууа. Цæуы размæ. Уыимæ тынг тагъд æмæ дард. Æмæ хъæуы йемæ æмдзу кæнын. Уый тыххæй та хъæуы разæнгард кæнын кæстæрты, фылдæр исын хъæуы аспиранттæ».
Дзаттиаты Руслан, профессор, историон наукæты доктор: «Хъуыддаг раивын хъæуы. Мæнмæ гæсгæ, суанг скъолайæ хъæуы кусын сывæллæттимæ. Цæмæй сæ гыццылæй фæстæмæ ахуыр кæной, цымыдис кæной. Æмæ уæд фæстæдæр се ргом тагъдæр раздахдзысты исты фарстатæм. Æмæ сын куыд æнтыса уый мæ фæнды».
