11 июня 2014, 18:13
Уæрæсейы боны агъоммæ нæ республикæйы сæргълæууæг Мамсыраты Таймураз радта паддзахадон хæрзиуджытæ
Уый та, нæ республикæйы алы къабæзты зæрдиагæй чи фæллой кæны, уыцы адæмы руаджы. «Уæрæсейы культурæйы сгуыхт кусæджы» кадджын ном лæвæрд æрцыд паддзахадон информацион агентад «Иринформ»-ы бындурæвæрæг æмæ разамонæг Таболты Иринæйæн.

Уæрæсейы боны агъоммæ нæ республикæйы сæргълæууæг Мамсыраты Таймураз радта паддзахадон хæрзиуджытæ, æмæ загъта, фидарæй йæ кæй уырны «Цæгат Ирыстон нæ бæстæйы æппæтæй рæсугъддæр æмæ ахадгæдæр хай кæй у».
Уый та, нæ республикæйы алы къабæзты зæрдиагæй чи фæллой кæны, уыцы адæмы руаджы. «Уæрæсейы культурæйы сгуыхт кусæджы» кадджын ном лæвæрд æрцыд паддзахадон информацион агентад «Иринформ»-ы бындурæвæрæг æмæ разамонæг Таболты Иринæйæн. «Ирыстоны намысы» майданæй та схорзæхджын кодтой 8 адæймаджы. Се хсæн не мкусæг, паддзахадон телерадиокомпани «Алани»-йы оператор Владимир Пархоменко, Цæгат Ирыстоны слестгæнæн управленийы разамонæг Виталий Волков, Гергиты Валерийы номыл Дзæуджыхъæуы аивæдты училищæйы ахуыргæнæг Гæдзаццаты Аллæ, хирург Кудзаты Хъазыбег, Мæздæджы районы муниципалон сконды сæргълæууæг Лариса Селиванова. Майдантæ ма лæвæрд æрцыд карз нозтмæ цæстдарæг управленийы разамонæг Хадыхъаты Олегæн, «Афганистаны ветеранты уæрæсейаг цæдисы» организацийы уæнгтæ Гæгуылаты Юрий æмæ Дзасохты Земфирæйæн. Цæгат Ирыстоны республикæйы кады гæххæт радтой Къора-Урсдоны хъæуы хицау Гулаты Ремæйæн. Мамсыраты Таймураз ма ацы бон радта зæрдылдарæн майдантæ дæр. Райстой сæ вице-премьер Челæхсаты Рустем, Кировы районы ветеранты советы сæрдар Басаты Светланæ, Лескены скъолайы директор Амилæханты Валерий, Рахизфарсы районы спортивон-дзæбæхгæнæн комплексы директор Гуытъиаты Вячеслав, библиограф Наталья Куличенко æмæ æппæтадæмон æхсæнадон змæлд «Иры стыр ныхасы» уæнг Хуытъиты Таймураз. Патриотон хъомылады тыххæй кады нысан та радтой Мæздæджы районы бынæттон администрацийæн æмæ Цæголты Василийы мемориалон хæдзар-музейæн.

темæмæ гæсгæ