Коллегимæ хуынд æрцыдысты, сæ хайадимæ æмгуыстгæнæн ведомствæты разамонджытæ æмæ минæвæрттæ. Æмбырды архайдта республикæйы сæйраг пъырыстыф Гæцойты Светланæ.
Коллегимæ хуынд æрцыдысты, сæ хайадимæ æмгуыстгæнæн ведомствæты разамонджытæ æмæ минæвæрттæ. Æмбырды архайдта республикæйы сæйраг пъырыстыф Гæцойты Светланæ. Куыд бафиппайдта, афтæмæй ацы аз стыр куыст бакодтой, кусджытæн мызд афоныл чи нæ фиды, æмæ коммуналон лæггæдтæн чи нæ фиды, уыдонимæ. Дæнцæгæн 2013-æм азы ацы фарстаты фæдыл байгом кодтой 2 500 хъуыддагæй фылдæр. Уыдонæй 1500 – сæххæст кодтой. Юридикон организацитæй æмæ куыстуæттæй цы хæстæ систой, уыдон сты 1 миллиард 200 милуан сомы бæрц. Фæлæ хуымæтæг адæмы сæ хæстæ бафидын кæнын зындæр у. Уымæн æмæ арæх пъырыстыфтæм æмæ æндæр службæтæм цы гæххæттытæ арвыст æрцæуынц, уыдон раст фыст нæ вæййынц. Уый та хицæн фарста у, æмæ йыл цыд бæстон ныхас. Куыд рабæрæг, афтæмæй медицинон æмæ ахуырадон, цæрæн – коммуналон кусæндæттæ æмбæлгæ гæххæттытæ раст нæ ныффыссынц.
Сланты Иринæ, УФ-йы юстицийы Министрады цæгатирыстойнаг управленийы хицауы хæдивæг: «Рынчындоны цы гæххæттытæ дæттынц адæмæн, уыдоны арæх вæййы рæдыдтытæ. Кæм ном раст фыст нæу, кæм мыггаг. Арæх вæййы афтæ, æмæ адæймаг нал ис, фæлæ ма уæддæр ис ЗАГСы æмæ æндæр структурæты номхыгъдты. Уæлдай тынгдæр та тыхсын кæны уый, æмæ рæдыд базонгæйæ, адæймаджы хъæуы ног гæххæттытæ райсын æмæ йын ахæм фадат раттын зын вæййы. Афтæмæй та иу цасдæр рæстæг иу сæрмагонд фæтк алы гæххæт куыд фысгæ у, уый тыххæй. Æмæ абон баныхас кæндзыстæм æмæ исты уынаффæ рахæсдзыстæм фæткхалджытимæ куыд тох кæнын хъæуы, уый тыххæй».
