филиал вгтрк государственная телерадиовещательная компания “Алания”

Æмбырд амыдта йæ разамонæг Рубайты Аркадий. Архайдтой дзы хъæууонхæдзарадон цæстдарды федералон ведомствойы разамонæджы хæдивæг Руслан Хасанов, иннæ цæстдарæг службæты минæвæрттæ. 2013-æм азы управленийы кусджытæ сарæзтой 632 бæрæггæнæн мадзалы. Цы æгъдаухалæн митæ раиртæстой, уыдоны нымæц, раздæры азтимæ абаргæйæ, у фылдæр. Ветеринарон цæстдарды хайад паддзахадон арæныл Уæрæсемæ не ‘рбауагъта æрбаласын 10 тоннæмæ æввахс фос дарыны продукци. Фитосанитарон цæстдарды хайад та – 70 тоннæйæ фылдæр, домæнтæн дзуапп кæй нæ лæвæрдтой, уый тыххæй. Уæлдай хъусдард ис, хуыты низ республикæмæ ногæй ма ‘рбауадзыны фарстамæ. Иудадзыг каст цæуы цæрæгойты уавæрмæ, ныртæккæ хуыты нымæц у 17,500 минæй фылдæр. Ивгъуыд азы архайдæн хатдзæгтæ скæнгæйæ, æмбырды архайджытæ снысан кодтой сæйрагдæр мадзæлттæ ацы азæн.