Республикæйы хирургтæн, Цæгат Ирыстоны медицинон академийы студенттæн æмæ аспиранттæн абон сæ зонындзинæдтæ фылдæр кæны зыдгонд уæрæсейаг хирург Эдуард Галямов.

Дохтыртæ рынчынмæ рабæрæг кодтой тæны цæлмæртæн. Æвæстиатæй йын хъæуы опрераци скæнын.
Уæрæсейы хуыздæр хирургтæй иу, Эдуард Галямов æй кæны ног технологитæм гæсгæ – æнæ тугæй. Пациент иунæг ран дæр лыг нæ цæуы. Лапароскопикон операци куыд кæнгæ у, уый лæмбынæг æвдыст цæуы стыр экраныл æмæ йæм бакæсын у се ппæт дохтырты бон дæр.
Цæгат Ирыстонмæ Эдуард Галямов ссыд медицинæйæн æххуысы фонд «Призвание»-йы президенты хуындмæ гæсгæ. Цалдæр боны ам араздзæн зонындзинæдтæ фылдæргæнæн æмæ фæлтæрддзинад æвдисæг ахуыртæ. Æрбацæуын сæм у дохтыртæн æмæ Цæгат Ирыстоны медицинон академийы студенттæн.
Зындгонд дохтыр куыд зæгъы, афтæмæй лапароскопикон операцитæ ног не сты, æнтыстджынæй сæ кæнынц Цæгат Ирыстоны дæр. Фæлæ медицинæ тагъд рæзы, фæзынынц ног технологитæ, ног методикæтæ, ног нырыккон кусæнгæрзтæ æмæ техникæ, æмæ сæ хъæуы пайда кæнын.
Ацы операцимæ бакæсынмæ æрбацыдысты куыд республикæйы зындгонд дохтыртæ, афтæ æрыгæттæ, фæлæ фылдæр базонын кæй фæнды, уыдон. Кæстæртæ куыд зæгъынц, афтæмæй сын ахæм фæлтæрдджын хириургты куыстимæ зонгæ кæныны фадат кæй ис, уый сын æхсызгон æмæ пайда у.
Эдуард Галямов ахæм ахуыртæ саразы алы регионты. Цæгат Ирыстоны ис ныр дыккаг хатт. Уый фæстæ фæнд кæны Мæхъæлы æмæ Дагестаны дохтыртимæ фембæлын. Æдæппæтæй нысан кæны 9 операцийы скæнын. Уыимæ урологон æмæ гинекологон. Уыдонæй 2 – Ирыстоны.
Медицинæйæн æххуысы фонд «Признание»-йы президент Бесаты Асланы ныхæстæм гæсгæ, хæстæгдæр рæстæг республикæ бабæрæг кæндзысты, дунейы бæстæты æнæнхъæлæджы цауты рæстæг уæззау опреацитæ чи скæны, уыцы хирургтæ дæр.
