26 апреля 2018, 18:45
Уæрæсейы кинотеатрты райдыдтой ног киноныв «Тренер» æвдисын
Афæдзы райдианæй фæстæмæ уый у æртыккаг кинолентæ, прокаты рейтингты фыццаг рæнхъыты чи рлæууыд, ахæм. Режиссеры хуызы йыл фыццаг хатт бакуыста хъуыстгонд актер Данила Козловский.
Уæрæсейы кинотеатрты райдыдтой ног киноныв «Тренер» æвдисын.
Афæдзы райдианæй фæстæмæ уый у æртыккаг кинолентæ, прокаты рейтингты фыццаг рæнхъыты чи рлæууыд, ахæм. Режиссеры хуызы йыл фыццаг хатт бакуыста хъуыстгонд актер Данила Козловский. Сæйраг ролы дæр йæхæдæг ахъазыди. Иу рæдыд, фæлæ рауад хъысмæтхæссæг. Ахæм у кинонывы сæйраг хъайтары цардвæндаг. Зындзинæдты сæрты ахизгæйæ, тырны уæлахизмæ. У футболон командæйы тренер. Экраны футболисттæ куы фæзынынц, уæд киноуарзджыты айрох вæййы, кинотеатры сты, уый. Адæммæ афтæ кæсы, цыма æцæгæйдæр футболон матчы сты. Се ппæтыл дæр се нкъарæнтæ фæуæлахиз вæййынц, æмæ сæ тынг фæтыхсын кæны сæйраг хъайтары хъысмæт. Футболист уæвгæйæ, йын нæ бантыст хъысмæтхæссæг гол бакъуырын. Баййæфта æфхæрд. Афтæмæй йе спортсмены карьерæ фæци. Фæлæ лæппу разынд тыхджындæр, æмæ сси тренер. Киноныв истой 50 боны Мæскуыйы, Краснодары, Новороссийскы. Архайдтой дзы 9 профессионалон командæйы, æдæппæтæй 200 футболисты.
темæмæ гæсгæ
