филиал вгтрк государственная телерадиовещательная компания “Алания”

Уæрæсейы Президенты цур нæ республикæйы минæварады арæзт æрцыд Цæгат Ирыстоны æмæ Хъæрæсе-Черкесийы инвестицион гæнæнты презентаци.

Бакастысты йæм Европæйаг бизнесы Ассоциацийы специалисттæ. Мадзал арæзт æрцыд Цæгат Кавказы хъуыддæгты фæдыл уæрæсейаг министрадимæ æмгуыстад æххæст кæнгæйæ. Архайдтой дзы федералон министр Лев Кузнецов, бизнесы Ассоциацийы генералон директор Франк Шауфф, нæ республикæйы Сæргълæууæг Битарты Вячеслав, рæзты Агентады генералон директор Павел Игнатьев, Хъæрæсе-Черкесийы Сæргълæууæг Рашид Темрезов, æмæ æндæр бæрнон кусджытæ. Битарты Вячеслав загъта, нæ республикæйы раз кæй лæууынц стыр хæстæ, ома инвестицион проекттæ æххæст кæнын, æмæ паддзахадон оргæнтимæ æмгуыстад кæнын. Ныры онг уал æнтыстджынæй кусын райдыдта æппæтадæмон проект МЭТРО КЭШ ЭНД КЭРРИ. Уымæй дарддæр Цæгат Кавказ архайы æндæр егъау проектты дæр.