30 октября 2013, 11:23
Уæрæсейы сбæрæг кодтой Фæскомцæдисы 95 азы бон
Бæрæгбоны мадзæлттæ сарæзтой Цæгат Ирыстоны дæр. Раздæр уал юбилейы кадæн Дзæуджыхъæуы Барбашовы æмæ Кырджалийскийы уынгты тигъыл аллеяйы ныссагътой 95 талайы.
Уæрæсейы сбæрæг кодтой Фæскомцæдисы 95 азы бон. Бæрæгбоны мадзæлттæ сарæзтой Цæгат Ирыстоны дæр. Раздæр уал юбилейы кадæн Дзæуджыхъæуы Барбашовы æмæ Кырджалийскийы уынгты тигъыл аллеяйы ныссагътой 95 талайы.
Фæстæдæр та сывæллæтты сфæлдыстады республикон галуаны арæзт æрцыд бæрæгбоны концерт. Залы бадтысты алы азты фæскомцæдисонтæ. Уый уыди Советон Цæдисы егъаудæр организаци. Адæмæй бирæтæ æрхъуыды кодтой, сæхæдæг фæскомцæдисмæ куыд бацыдысты, уый. Куыд загътой, афтæмæй йын йæ хуыздæр æгъдæуттæ хъæуы фæстæмæ раздахын. Раздæры фæскомцæдисонтæн раарфæ кæнынмæ æрбацыд, æстайæм азты Цæгат Ирыстоны фæскомцæдисы обкомы фыццаг секретарь, ныртæккæ та нæ республикæйы сæргълæууæг Мамсыраты Таймураз.
темæмæ гæсгæ
